終於搞掂晒 迎來創blog號

其實開blog呢個諗法已經有咗好耐, 自從yahoo blog結束服務之後一直想開番個blog.
做log又好, 做note又好, 起碼寫低當時當刻想記低既野.
由中學開始接觸過既唔同project, 基本上一唔繼續, 離手一段時間就開始失晒憶, 想pick up番都唔係咁容易.
又要搵番一大堆資料睇, 再加上自己殘缺既記憶, 感覺仲難過由頭重新學.

之所以一直都開番個blog, 最主要原因都係太忙, 忙住打機,聽歌,睇動畫,睇小說,仲要讀書.
成個U life其實都好充實, 開blog呢個諗法自然就冇時間去完成.
year 4 玩robocon之後開坑愈黎愈多,學既野愈黎愈多,個腦又開始頂唔順,想係番工之前整理一下所有做過既野.
唔係既話呢幾年做過既project又會唔記得晒, 咁點同人講自己做過呢….

所以呢個blog就迎來創刊號喇, 呢個blog既出生都經歷一波三折,唔係咁順利.
小弟一直對web方面既野唔係咁熟, 呢個都係一直冇開blog既原因之一.
又咁啱比我識到個讀imt熟web 既—–師弟? 總之就識到人,有人教,自然可以開始番呢個計畫.

呢個blog就係用一個叫hexo既…platform? 整既,其實如果由始至終用同一部電腦搞就冇咁麻煩.
但係我又想雙開用屋企機同lab機同時做manage, 咁搞既野就多咗好多, 學hexo同時學git.
其實到最後都係搞唔掂,個themes push唔到上自己個github 搞到個config syn唔到.
不過算喇, 搞咗2,3日都搞唔掂, 遲下睇下有冇機會再睇下點先syn埋個themes上gitub.

個themes都諗咗好耐架…由chan 到cyanstyle 最後先決定用呢個melody.
嘔心瀝血之後修成正果 希望呢個blog可以keep住唔懶更新la.